बुधबार, माघ ७, २०७७
/
बनारसको भाइरल भिडिओमा देखिएका व्यक्ति 'भारतीय मतदाता, पैसा लिएर अभिनय गरेको स्वीकार
३ साउन २०७७
  बि बि सि सम्बादाता

बनारसको भाइरल भिडिओमा देखिएका व्यक्ति 'भारतीय मतदाता, पैसा लिएर अभिनय गरेको स्वीकार' भाइरल भिडिओमा देखिएका व्यक्ति 'भारतीय मतदाता, पैसा लिएर अभिनय गरेको स्वीकार'

केशव कोइराला

बीबीसी न्यूज नेपाली

 

नेपाली मन्दिर बनारस
तस्बिर स्रोत,KESHAV P. KOIRALA / BBC


नेपालका प्रधानमन्त्री केपी शर्मा ओलीले केही दिनअघि रामको जन्म र जन्मभूमि अयोध्याबारे दिएको विवादास्पद अभिव्यक्तिको विरोधमा भारतको बनारसमा एउटा धार्मिक समूहले गराएको घटनामा पीडितका रूपमा चित्रित "नेपाली युवक" वास्तवमा भारतीय मतदाता भएको र उनले पैसा लिएर भिडिओ बनाउन सहमति दिएको भारतीय प्रहरीले बताएको छ।

नेपालमा पनि निकै भाइरल भएको एउटा भिडिओ फुटेजमा विश्व हिन्दू सेना नामक सङ्गठनका कार्यकर्ताहरूले नेपालीका रूपमा प्रस्तुत गरिएका ती व्यक्तिको कपाल खौरिएर नेपाल र प्रधानमन्त्री ओलीविरुद्ध नाराबाजी गर्न लगाएको देखिन्छ।

उक्त घटनाको भिडिओ खिची बिहीवार सामाजिक सञ्जालमा प्रसार गरेको आरोपमा प्रहरीले शुक्रवार चार जनालाई पक्राउ गरेको थियो। उनीहरूलाई शनिवार अदालतमा पेस गरिएको छ भने शनिवार थप दुई जना पक्राउ परेका छन्।

बनारसमा कपाल खौरिई दुर्व्यवहार गरिएका 'पीडित नेपाली' को खोजी
परराष्ट्र मन्त्रालय भन्छ, 'प्रधानमन्त्रीको अभिव्यक्ति राजनीतिक होइन'
मुख्य आरोपित अरुण पाठक भने अझै फरार रहेको बनारस प्रहरीका एसपी अमित पाठकले जानकारी दिए।

को हुन् ती व्यक्ति?
"नेपाली युवक"का रूपमा चिनाइएका ती व्यक्तिको जन्म बनारसमै भएको र उनी त्यहीँका बासिन्दा भएको प्रहरीले बताएको छ।

यसअघि शनिवार बिहान एसपी पाठकले बीबीसीसँग भनेका थिए, "उनले उजुरी दिएका छैनन्, उनलाई फेला पार्न वा सम्पर्क गर्न सक्यौँ भने मात्र हामी (उनी नेपाली हुन् कि हैनन्) भन्न सक्छौँ।"

एसपी पाठकले भने, "आज हाम्रो सम्पर्क यो भिडिओमा देखाइएका व्यक्तिसँग भयो। उनी यहीँ बस्छन् र जल संस्थानको कोलोनीमा उनको आवास छ।"

उनका अनुसार ती व्यक्तिका आमा र बुवा भारत सरकारका कर्मचारी थिए र उनका भाइ अहिले पनि जलसंस्थानमा कार्यरत छन्।

"उनी यहीँ सूचीकृत भएका मतदाता हुन् र उनीसँग आधार कार्ड पनि छ। उनको जन्म यहीँ वाराणसीमा भएको हो," एसपी पाठकले भने।

'पूर्वपरिचय थियो'
बनारस प्रहरीका अनुसार उक्त आपत्तिजनक भिडिओ बनाउने व्यक्तिहरूसँग ती व्यक्तिको पूर्वपरिचय भएको देखिएको छ।

एसपी पाठका अनुसार पैसा लिएर उनीहरूले अह्राएअनुसार गर्न स्वीकारेका थिए।

'अयोध्या नेपालमा रहेको' भन्ने प्रधानमन्त्री ओलीको दाबीको भाजपा प्रवक्ताद्वारा निन्दा
रामको जन्मस्थलबारे प्रधानमन्त्रीको अभिव्यक्ति फिर्ता लिन साधुसन्तको माग
"ती व्यक्तिहरूले भनेकाले आफू उनीहरूसँग गएको र भिडिओ बनाएबापत एक हजार रुपैयाँ लिएको उनले बताएका छन्," एसपी पाठकले भने।

यसअघि बनारसमा बस्ने नेपाली समुदायका अगुवाहरूले पनि ती व्यक्तिको हुन् भनेर सोधखोज गरेका थिए। उनीहरूमध्ये केहीले ती व्यक्ति घटनास्थलनजिकै बस्ने अवकाशप्राप्त सैनिक भएको प्रारम्भिक सूचना आएको बीबीसीलाई बताएका थिए।

भिडिओमा उनले नेपाली बोलेको सुनिए पनि उनी नेपाली मूलका हुन् वा नेपाली बोल्न सक्ने भारतीय हुन् भन्ने स्पष्ट हुन बाँकी नै छ।

प्रहरीले पनि यसबारे केही बताएको छैन।

यसअघि घटनामा संलग्न भएको आरोपमा पक्राउ परेका एक आरोपित व्यक्तिले प्रहरीलाई दिएको बयानमा ती व्यक्तिलाई नेपालका प्रधानमन्त्रीविरुद्ध नारा लगाउन १,५०० रुपैयाँ दिएर तयार पारिएको दाबी गरेका थिए।

कडा कारबाही गरिने प्रतिबद्धता
बनारस प्रहरीले घटनामा संलग्न सबैलाई कडा कारबाही गरिने प्रतिबद्धता व्यक्त गरेको छ।

"यो पूरै घटनाक्रममा हामी थप प्रमाण सङ्कलन गर्दैछौँ र अन्य व्यक्तिको गिरफ्तारीका लागि प्रयास पनि हुँदैछ," एसपी पाठकले भने।

राम र अयोध्याबारे प्रधानमन्त्री ओलीको 'वाणी-बम' सुनेर नेकपाकै नेताहरू चकित
नेपालबारे राहुल गान्धी र भारतीय विदेशमन्त्री एस जयशङ्करबीच जुहारी
बनारसबाट प्रकाशित अमर उजाला पत्रिकाका अनुसार उक्त घटनाका मुख्य आरोपित अरुण पाठकलाई प्रहरीका तीनवटा टोलीले खोजिरहेको छ।

उक्त पत्रिकाका अनुसार भिडिओ खिच्ने सन्तोष कुमार पाण्डेयले पाठकले फोन गरेर आफूलाई गङ्गाको घाटमा बोलाएको र त्यहाँ पुग्दा पैसा दिएर एक नेपाली युवकलाई कपाल खौरिन तयार राखिएको प्रहरीलाई बताएका थिए।

के हो विश्व हिन्दू सेना?
विश्व हिन्दू सेना बनारसमा पनि खासै नाम नसुनिएको समूह हो। वाराणसी प्रहरीका अनुसार अरुण पाठक त्यसका नेता हुन्।

तर उक्त सङ्गठनको पर्चामा त्यो कतै दर्ता भएको सङ्केत देखिँदैन।

मन्दिर
तस्बिर स्रोत,SWAMI OMKARANANDA GIRI
उक्त समूहले ओलीविरुद्ध ललिताघाटस्थित नेपाली मन्दिरसहित बनारसका विभिन्न स्थानमा पोस्टर टाँसेको थियो।

त्यसमा ओलीले रामबारे गरेको अभिव्यक्ति फिर्ता नलिए भारतमा बस्ने नेपालीले परिणाम भोग्नुपर्ने चेतावनी दिइएको थियो।

के भन्छन् बनारसमा बस्ने नेपालीहरू?
बनारसमा अध्ययन, अध्यापन, काम र तीर्थवास गर्ने नेपालीहरूको सङ्ख्या उल्लेख्य छ।

धेरैले यो घटनालाई दुई देशबीच रहेको सांस्कृतिक र पारम्परिक सम्बन्ध बिगार्ने "षड्यन्त्र र अतिवादी कृत्य"को रूपमा हेरेका छन्।

नेपाली मन्दिर
तस्बिर स्रोत,SAMRAJYESHWAR PASHUPATI MANDIR
तस्बिरको क्याप्शन,
अहिले नेपालीहरू बसोबास गर्ने क्षेत्रमा सुरक्षा बढाइएको छ

तर कोरोनाभाइरस लकडाउनमा हिँडडुल र अन्य गतिविधि पनि कम भएकाले खासै असुरक्षित अनुभूति नभएको उनीहरूको भनाइ छ।

'कूटनीतिक मौनता' र विवादास्पद अभिव्यक्तिले नागरिक स्तरमै 'सम्बन्ध बिगार्ने खतरा'
'अयोध्या नेपालमा रहेको' भन्ने प्रधानमन्त्री ओलीको दाबीको भाजपा प्रवक्ताद्वारा निन्दा
"अहिले केही तत्त्वहरूले आतङ्क सिर्जना गर्न र चर्चित हुने अवसरका खोजेका हुन्," साम्राज्येश्वर पशुपतिनाथ मन्दिर सञ्चालक समितिका अध्यक्ष स्वामी ओम्कारानन्द गिरिले बीबीसीसँग भने, "हामी सतर्क छौँ, तर यो घटनालाई ठूलो महत्त्व दिनुहुँदैन।"

"प्रहरी र प्रशासनले कारबाही सुरु गरेका छन्," उनले भने, "यस विषयमा नेपाली राजदूतले पनि उत्तर प्रदेशका मुख्यमन्त्रीसँग कुरा गर्नुभएको छ।"

"अहिले केही तत्त्वहरूले आतङ्क सिर्जना गर्न र आफू चर्चित हुने अवसर खोजेका हुन्...",

 Source: स्वामी ओम्कारानन्द गिरि, Source description: अध्यक्ष, साम्राज्येश्वर

 पशुपतिनाथ मन्दिर, सञ्चालक समिति,
ललिताघाटस्थित नेपाली मन्दिरमा पर्चा टाँसिएपछि गिरिले राजदूत आचार्यसँग कुरा गरेका थिए।

अहिले मन्दिरको सुरक्षाका लागि प्रहरीको एउटा टोली परिचालित भएको जानकारी उनले दिए।

बनारसमा नेपाली नागरिक र नेपाली मूलका अन्य मानिसले आफूलाई असुरक्षित महसुस गर्नुपर्ने स्थिति नभएको नेपाली समुदायका एक अगुवा राजु पोखरेल बताउँछन्।

"केही भयो भने हामीलाई सम्पर्क गर्न भनेका छौँ," उनले भने, "हामी प्रशासनसँग सम्पर्कमा छौँ।"
www.prasiddhakhabar.com

चेपाङ वस्तिमा सरकारको बम्पर प्याकेज । #cartoon @N

श्रीमान् द्वारा हत्या ! #cartoon @NAYA_PATRIKA